O pasado día 5 de febreiro celebrouse no Mosteiro de Bergondo a Festa do Lume organizada pola Asociación Irimia. Dentro da programación tivo lugar unha mesa redonda en homenaxe a Moncho Valcarce co título “Fé e rebeldia”.

Interviron Gumersindo Campaña, Vitorino Perez Prieto e Christina Moreira.

Foi un acto moi emotivo e clarificador sobre a figura e o papel de Moncho Valcarce non só nas loitas agrarias da época senón tamén da importancia que tivo como home de fé comprometido coa filosofía da teoloxía de liberación.

Houbo un debate intenso que contribuíu a profundizar aínda máis no papel destacado que xogou e afondar nas estratexias de futuro derivadas da súa traxectoria social, humana, política e de home de fé.