Un ano máis temos a cita dos Premios Moncho Valcarce. Os premiados neste 2.025 son, na categoría “Pola Defensa da Terra”, a Plataforma veciñal Mina Touro-O Pino Non e na categoría “Pola Promoción da Terra”  Margarita Ledo Andión.

Desta volta o xantar será o día 10 de Maio  no mesmo lugar do ano pasado en Alvedro (Casa Perucho-Avda. de Alvedro,41A- A Coruña). O local ten un aforo limitado (lembramos que o ano pasado quedou xente fora)  polo que daremos prioridade de asistencia según se vaian confirmando por data de ingreso bancario.

O prazo para inscribirse e até o día 28.04.25.

O menú é o seguinte:

A compartir: Croquetas de xamón Iberico, empanada caseira de raxo picante, Gambón crocante con mayo Kimchi e tostas de escalibada con anchoas

Solomillo de porco con ragout de setas

Milfollas de nata e café

Albariño, Mencía, augas, refrescos e café de pota.

Se alguén quixera peixe tería que comunícalo con antelación.

O prezo do xantar é de 35€ que habería que ingresar no número de conta ES83 2080 0000 7930 4026 5997.

Haberá tamén menú infantil que será loxicamente máis económico e o ingreso neste caso será o mesmo día.

Para celebrar o día, e xa que estamos na semana previa ao Día das Letras Galegas, a actuación musical correrá a cargo das Pandereiteiras das Encrobas sen desbotar que poida haber algunha actuación máis.

Para calqueira dúbida contactar no teléfono 660 34 61 82 (de 10,00-13,00 e de 17,00-20,00) ou enviando un correo electrónico a irmandade@monchovalcarce.org

Aproveitamos a ocasión para insistir na necesidade de renovar a cuota de soci@(36€anuais) e para aqueles que non o sexan pedirlles un esforzo  e diste xeito contribuir a que os nosos proxectos poidan ter un soporte económico estable. Podédelo facer a través da páxina web ou ingresando directamente na mesma conta que para ingresar os cartos do xantar.