O próximo Venres día 20 ás 19,30, organizado pola Irmandade, temos un debate sobre as consecuencias que terá o Tratado da UE-Mercosur  sobre Galiza. O acto terá lugar no local da Asociación Cultural Alexandre Bóveda (Rúa Santo André, 36-1º-A Coruña).

Este acordo neoliberal promove a desregulación da lexislación europea e dos estados membros en favor do capital financiero, as políticas de libre mercado e as grandes multinacionais. O tratado incide directamente no comercio agroalimentario, a explotación de recursos, a industria, os dereitos intelectuiais e a liberalización de servizos.

Para analizar esta problemática contaremos coa participación de Xosé Ramón Cendán, activo en organizacións sociais dende1977 e membro histórico do Sindicato Labrego Galego, participando na fundación de Vía Campesina que foi detido en Hong Kon en 2005 durante as movilizacións contra a OMC. É tamén membro da directiva da Irmandade. Tamén contaremos con Isabel Vilalba, filóloga e exsecretaria Xeral do Sindicato Labrego Galego cunha destacada traxectoria en Vía Campesina, tendo un papel fundamental no foro Nyeleni (Mali) para o desenvolvemento da soberanía alimentaria.