Asemblea Xeral Ordinaria

Celebrouse na cidade de A Coruña o día 26.03.23. Fíxose un informe das actividades e o traballo destes últimos meses.;
Debates intensos con persoas e colectivos para reflexionar sobre a continuidade da Irmandade, actualizar a páxina web para convertila nun instrumento de intercambio, comunicación, información, iniciativas e non só de lembranzas, cambiar o logotipo e editar unha carpeta de láminas que visibilizasen o papel de Moncho como líder agrario.
Aproveitando que se cúmpre o XXX Cabodano do seu pasamento qprobouse a proposta de recuperar os “Premios Moncho Valcarce”.
Debátese sobre o documento presentado pola Directiva coas seguintes conclusións:
. A Irmandade debe ser un elemento vertebrador entre o mundo rural e o urbano.
. Ten que ter vontade integradora con outros movementos sociais.
. Buscar os camiños para conectar a realidade relixiosa cos problemas do rural.
. Dar apoio ós movementos sociais e estar presentes nas súas demandas e movilizacións.
. Poñer en valor o compromiso e as loitas nas que participou Moncho visibilizando os feitos históricos acontecidos nos anos 70-80 que nos poidan servir como ferramentas de traballo diante dos retos presente e futuros.
. Montar a exposición de 22 paneis naqueles concellos receptivos a poñela. Aproveitar a exposición para dar charlas, conferencias ou debates sobre a figura de Moncho.
Por último apróbase a ampliación da Xunta Directiva quedando conformada do seguinte xeito: Xácome Santos Gayoso, Domingo Martínez Beiro, Vitorino Pérez Prieto, Margarita Fontenla Cotelo, Gumersindo Campaña Ferro, Xosé Ramón Cendán Regueiro, Beatriz Pérez Mosquera, Xoán Manuel Castro Rivas e María Pardo Barbeito